ನನ್ನ ಚಿಕ್ಕಮ್ಮನ ಅಳಿಯ armyಯಲ್ಲಿದ್ದು ಅಬ್ದುಲ್ ಕಲಾಂರವರ ಸುರಕ್ಷತಾ ದಳದಲ್ಲಿದ್ದ ಹಾಗೂ ಅವನ ಕ್ವಾರ್ಟರ್ಸ್ ದೆಹಲಿಯಲ್ಲಿ ಕಲಾಂರವರ ಮನೆಯ ಅಂಗಳದಲ್ಲೇ ಇತ್ತು. ನನ್ನ ತಂಗಿಯ ಮನೆಯಿಂದ ಆಗಾಗ ರಾಗಿ ಮುದ್ದೆ ತರಿಸಿಕೊಳ್ಳುತ್ತಿದ್ದರಂತೆ. ಅವರನ್ನು ಭೇಟಿಯಾಗಲು ಹೋದವರನ್ನು ಸಂತೋಷದಿಂದ ಮಾತನಾಡಿಸುತ್ತಿದ್ದರಂತೆ. ನನ್ನ ತಾಯಿ ಮತ್ತು ಚಿಕ್ಕಮ್ಮ ಅವರನ್ನು ಭೇಟಿಯಾಗಿಬಂದರು. ನಾನು ಕಳೆದ ವರ್ಷ ದೆಹಲಿಗೆ ಹೋಗಿದ್ದಾಗ ಕಲಾಂರವರ ಮನೆಗೆ ಹೋಗಿದ್ದೆ. ಅವರು ಯಾವುದೋ ಕಾರ್ಯಕ್ರಮಕ್ಕೆ ಮೈಸೂರಿಗೆ ಬಂದಿದ್ದರು. ನಾನು ಅವರ ಗ್ರಂಥಾಲಯ, ಮನೆ ಎಲ್ಲಾ ನೋಡಿಬಂದೆ. ಅತ್ಯಂತ ಸರಳ ಬದುಕು ಅವರದು. ಅವರ ಸರಳ ಜೀವನ ನಮ್ಮನ್ನು ನಾಚಿಸುವಂತಿತ್ತು.
